A invención da fotografía no século XIX supuxo unha auténtica revolución na sociedade que non deixou de influir nas seguintes. A súa emocionante evolución pasou de retratar os acontecementos que se ían producindo naqueles tempos de cambio, a permitir que os usuarios captasen as súas costumes, os seres que lles rodeaban, as cidades onde habitaban… Pouco a pouco foise xestando unha nova linguaxe que nunca abandonou o seu compromiso documental e ocupou un espazo irremprazable na vida das persoas, ata se converter nun medio de expresión artística por si mesmo.

Podemos dicir que a captura de imaxes mudou para sempre a maneira en que as persoas se relacionan co seu presente e coa súa memoria individual e colectiva.

xorde ante a necesidade de abranguer novas propostas lúdico-culturais para residentes e visitantes na cidade de Compostela, poñendo en valor o crecente interese por coñecer a identidade dos lugares que se transitan, o gusto pola imaxe e a pertenza de equipamentos audiovisuais na sociedade actual. Así, organizamos obradoiros de creación de imaxe fixa ou en movemento para todas as idades, tendo como localización das nosas creacións a cidade de Compostela.

As visitas de mesturan a divulgación cultural e tecnoloxía, é dicir, historia e creación de imaxes (ou do revés). En canto á historia, trátase de achegar ás e ós participantes pasaxes históricas que resulten interesantes dende o punto de vista etnográfico, artístico, máxico.. a través dos materiais audiovisuais que se conservan. Coñeceremos así o pasado da cidade e cunha nova mirada máis profunda e completa, levaremos fermosas imaxes da nosa Compostela.

Con estes novos testemuños audiovisuais, ao final de ano queremos realizar un catálogo colectivo, exposicións e acctividades paralelas . Este é o noso obxectivo: Focus Compostela!


A quenes queiran levar unhas magníficas instantáneas da cidade grazas ao consello dun/ha profesional e coñecendo o seu contexto histórico, aspectos que dotarán ás imaxes creadas dun sentido completo e veraz. En definitiva, persoas con sensibilidade artística… pero sobre todo, quenes teñan ganas de pasalo ben!

Calquer soporte de rexistro de imaxes: equipo réflex, mirrorless, móbil ou tablet, analóxico ou pinhole… todos son válidos, pois o importante é a túa mirada!

Ademáis, levar un calzado cómodo e abrigo é boa idea.

Realizaremos unha xuntanza inicial no Café Casino de Santiago de Compostela no horario previsto en cada obradoiro (mañá ou tarde), onde se presentará a actividade e a súa metodoloxía. Os materiais recomendables que se precisen virán especificados na páxina de cada obradoiro, pero iso non quere dicir que sexan obrigatorios! Cos medios dos que dipoñas será máis que suficiente. Contamos tamén cun servizo de aluguer de equipos. Bota unha ollada á nosa proposta!