Camiños á beira do Sarela con Ariadna Silva

Descripción

Santiago de Compostela destaca por ser o destino dun longo camiño e por ser unha cidade que oscila entre o urbán e o rural, sendo precisamente esta segunda área a que permitiu a súa evolución e crecemento. Este obradoiro transcorre a carón do Río Sarela, dende a súa confluencia coa cidade e as entranas da fraga. O río é un camiño en si mesmo, polo que realizaremos un pequeno traxecto ao longo do seu trazado mostrando previamente o seu contexto histrico.

Metolodoxía

O obradoiro contará cunha introducción teórica do concepto de paisaxe e da súa presencia na hisotria da fotografía, mostrando referentes vinculados á mesma e amosando a relación existente entre paisaxe e identidade, entendido como a retroalimentación existente entre as persoas que habitan un lugar e o espazo en si mesmo.

Obxectivos

Realizaremos un caderno de campo que inclúa as fotografías tomadas ao longo do camiño, elementos orgánicos (follas, flores…), apuntamentos/bosquexos e calquer outro compoñente do espazo que sexa resultado do encontro fortuito no lugar transitado. Todas as fotografías deben establecer un diálogo co resto de materiais recollidos, pois a finalidade é realizar un caderno que reflexe o discurso entre suxeito-espazo de forma lóxica e veraz, tendo en conta a mirada do participante.

Non é preciso contar cun coñecemento exhaustivo da técnica fotográfica, pero si que se mostre unha sensibilidade pola natureza e pola creación artística.

Materiais

• Dispositivo fotográfico (cámara, teléfono móbil, tablet…)
• Un caderno en branco
• Un bolígrafo
• Calzado cómodo, roupa de abrigo e lentes de sol segundo a meteoroloxía

Biografía da autora